Bu il Qətərdə keçiriləcək dünya çempionatı Argentina millisinin kapitanı Lionel Messi üçün sonuncu mundial olacaq.
Sportinfo.az xəbər verir ki, bu barədə PSJ-nin ulduzu özü açıqlama verib.
35 yaşlı hücumçu Qətər-2022-nin onun üçün son dünya çempionatı olacağını deyib:
"DÇ-2022 oynayacağım son dünya çempionatı olacaq. Artıq qərar vermişəm".
DÇ-2022 noyabrın 20-dən dekabrın 18-nə qədər davam edəcək. Argentina yığması C qrupunda Səudiyyə Ərəbistanı, Meksika və Polşa ilə mübarizə aparacaq.
