Federasiya Azərbaycan millisinin legionerini qovdu - VİDEO

13 Avqust 14:08 Digər növlər 338
Federasiya Azərbaycan millisinin legionerini qovdu - VİDEO

Azərbaycanın avarçəkmə üzrə millisinin rumıniyalı legioneri Maria-Lorena Manolike komandadan qovulub.

Sportinfo.az xəbər verir ki, ukraynalı olimpiya və dünya çempionu İnna Osipenko-Radomskayanın yerinə cəlb olunmuş legioner Tokio Olimpiya Oyunlarına lisenziya qazana bilməyib.

Buna görə də idmançıya “yaxşı yol” deyilib. Azərbaycan Milli Avarçəkmə Federasiyasının texniki direktoru Leyla Əliyeva oxu.az-a bildirib ki, Azərbaycan gələn il Olimpiya Oyunlarında avarçəkmədə təmsil olunmayacaq (oxu.az):

“Komandaya yeni legioner cəlb edə bilməyimiz üçün onun üç il Azərbaycan vətəndaşı olması lazımdır. Biz Manolikeni də 2016-cı il Rio Olimpiadasından sonra komandamıza cəlb etmişdik. Bu Olimpiadada Azərbaycandan heç bir idmançı olmayacaq”.

Onun sözlərinə görə, olimpiya mükafatçısı, dördqat dünya və üçqat Avropa çempionu Valentin Demyanenkonun yerinə milli komandaya cəlb olunmuş kanoeçimiz Vadim Hüseynov də ümidləri doğrultmayıb:

“O da lisenziya qazana bilmədi. Hazırda Rusiyada qalır. Atası həmin ölkədə yaşadığından, Vadim də hazırda həmin ölkədədir”.

Digər Xəbərlər
Xəbər Lenti
22 Sentyabr 23:20 Qurban Qurbanova çatdı
22 Sentyabr 22:20 Vidalla müqavilə imzaladı
21 Sentyabr 22:00 Mendi transferində tamam
21 Sentyabr 17:24 İlkay koronavirusa yoluxdu