Azərbaycanlı UFC döyüşçüsü Rafael Fiziyev oktaqona qayıdacağı tarixi açıqlayıb.
Sportinfo.az xəbər verir ki, bu barədə 32 yaşlı idmançı sosial şəbəkə hesabında yazıb.
“Məqsədim noyabrda oktaqona qayıtmaqdır. Siyahımda kimlər var?", - deyə Fiziyev bildirib.
Rafael Fiziyev 17 MMA döyüşü keçirib və onun 13-də qalib gəlib. O, UFC yüngül çəki reytinqində 11-ci yerdədir.
Fiziyev iyulun 21-də Bakıda təşkil olunan “UFC Döyüş Gecəsi”ndə çilili İqnasio Baxamondesi məğlub edib.
