"Kayzerslautern"də çıxış edən Azərbaycan millisinin forvardı Mahir Emreli 2-ci Bundesliqa çərçivəsində keçiriləcək "Şalke" ilə oyun haqda danışıb.
Sportinfo.az xəbər verir ki, 28 yaşlı hücumçu bu barədə "Bild"ə açıqlama verib. O deyib:
"Şalke" ilə oyunda, nəhayət,Ə qol vurmaq istəyirəm. Növbəti qarşılaşmada koordinasiya və komanda ruhunun daha yaxşı olacağına ümid edirəm.
Mövsümün bizim üçün uğurlu keçəcəyinə və üst pillələr uğrunda rəqabət apara biləcəyimizə inanıram".
"Kayzerslautern" 2-ci Bundesliqanın ilk turunda "Hannover"ə 0:1 hesabı ilə uduzub. Komanda avqustun 9-da, Bakı vaxtı ilə saat 22:30-da "Şalke"ni qəbul edəcək.
