Azərbaycan millisinin hücumçusu Mahir Emreli "Kayzerslautern"in heyətində rəsmi debüt edib.
Sportinfo.az xəbər verir ki, onun komandası 2-ci Bundesliqada yeni mövsümün ilk oyununda "Hannover"in qonağı olub.
Mahir Emreli qarşılaşmanın start heyətində yer alıb. O, 67-ci dəqiqədə Ricmund Tacie ilə əvəzlənib.
Oyun "Hannover"in 1:0 hesablı qələbəsi ilə başa çatıb. Yeganə qolu 74-cü dəqiqədə Aseko Nkili vurub.
M.Emreli bu yay "Kayzerslautern"lə 3 illik müqavilə imzalayıb. O, yeni mövsümə hazırlıq çərçivəsində keçirilən 5 yoxlama oyununda iştirak edib və 3 qol vurub.
