Azərbaycan millisinin və "Kayzerslautern"in futbolçusu Mahir Emreli evi üçün darıxmağa başlayıb.
Sportinfo.az xəbər verir ki, bu barədə 28 yaşlı hücumçunun özü klub televiziyasının keçirdiyi sorğuda açıqlama verib.
"Ötən həftə kim və nə üçün daha çox darıxmısınız?" sualına Emrelinin cavabı belə olub: "Evim üçün darıxmışam".
Mahir Emreli "Kayzerslautern"ə iyunun 24-də transfer olunub. O, 2021-ci ilin yayından Azərbaycandan xaricdə çıxış edir.
İndiyədək Polşa ("Legiya"), Xorvatiya ("Dinamo Zaqreb"), Türkiyə ("Konyaspor") və Almaniyada ("Nürnberq") legioner həyatı yaşayıb.
