"Klub rəhbərliyi ilə danışandan sonra onların gələcək planlarının mənim üçün də maraqlı olduğunu anladım”.
Sportinfo.az xəbər verir ki, bunu Azərbaycan millisinin və "Kayzerslautern"un hücumçusu Mahir Emreli deyib.
O, Almaniyanın "SWR Sport" nəşrinə müsahibəsində bildirib ki, Almaniya və İngiltərənin digər klublarından təkliflər almasına baxmayaraq, məhz "Kayzerslautern"i seçib:
“Ən çox onların iddialı olması məni cəlb etdi - istər futbolçular, istər idman direktoru, istərsə də prezident.
Hər kəs bu klubun daha böyük uğurlara çatması üçün çalışır. Bu, məni çox təsirləndirdi".
