Azərbaycanlı futbolçu Vüsal İsgəndərli "Boluspor"da məhsuldar ötürmə ilə yadda qalıb.
Sportinfo.az xəbər verir ki, 29 yaşlı vinger "1461 Trabzon"u məğlub etdikləri Türkiyə kubokunun V mərhələsinin matçında assist müəllifi olub.
71-ci dəqiqədə meydana daxil olan oyunçu 77-ci dəqiqədə komandasının sonuncu qolunun vurulmasında yaxından iştirak edib.
Rəqibini 4 cavabsız qolla üstələyən "Boluspor" Türkiyə Kubokunun qrup mərhələsinə vəsiqə qazanıb.
