"Qarabağ" Avropa Liqasının qrup mərhələsinin sonuncu - VI turunda Lüksemburqun "Düdelanj" klubunu qəbul edəcək. Dekabrın 12-də keçiriləcək matça maraq azdır. Görünür, komandanın Avroliqanın 1\16 final mərhələsinə çıxmaq şansını itirməsi azarkeş marağına ciddi təsir göstərib.
Sportinfo.az xəbər verir ki, oyuna 2 gün qalmış cəmi 5 min bilet satılıb. Matçın keçiriləcəyi Tofiq Bəhramov adına Respublika Stadionu isə 31 200 tamaşaçı tutumuna malikdir.
"Qarabağ" - "Düdelanj" görüşü saat 21:55-də start götürəcək.
