Mxitaryan Bakıya gəlməməsi haqda nə danışdı?

19 Noyabr 2019 12:40 Avropa Liqası 980
Mxitaryan Bakıya gəlməməsi haqda nə danışdı?

"Roma"da icarə əsasında çıxış edən "Arsenal"ın yarımmüdafiəçisi Henrix Mxitaryan “Four Four Two”ya müsahibəsində bu il Avropa Liqasının finalı üçün Bakıya gəlməməsi barədə danışıb.

Sportinfo.az xəbər verir ki, 30 yaşlı futbolçu UEFA-nı ittiham edərək bildirib ki, final oyununun yerini dəyişmək olardı.

“UEFA-nın mənə yeganə köməyi yalnız bu ola bilərdi. UEFA hər hansı futbolçu və ya komandanın siyasi səbəblərdən uyğun olmayan yerə getməsi ehtimalını nəzərə almalıdır. Rusiya klubunun Çempionlar Liqasının finalınını Ukraynada keçirməsi çətin olardı. Həyatımın ən vacib anlarını qaçırdım. Bəzi insanlar bunu düşünmədi, müzakirə etmədi. İkinci dəfə komandam final oynamaq şansı qazandı. Ancaq heç birində meydanda olmadım. Bu dəfə final həyəcanı yaşaya bilərdim, təsəvvür edin, həyatında final matçına çıxmamış futbolçuya siyasi problemlər mane olur. Adama pis təsir edir. Demirəm ki, matçın axarını dəyişəcəkdim. Pis olmuşdum, evdə oyuna baxıram, amma heç nə edə bilmirəm. Belə halları digər oyunçuların yaşamasını istəmirəm”.

Azərbaycan hökuməti “Arsenal” - “Çelsi” finalından öncə UEFA-ya təhlükəsizlik təminatı vermişdi. Buna baxmayaraq, yarımmüdafiəçi paytaxtımıza gəlməkdən imtina etdi. London klubunun üzvü bu fikrini belə izah edib: “Borussiya”da “Qəbələ”, “Arsenal”da isə “Qarabağ”la qarşı eyni qrupda düşmüşdük. Səfər qarşılaşmalarında iştirak etməmişdim.

Azərbaycana getməyimlə bağlı razılıq olmamışdı. Lakin Avropa Liqasının finalı üçün razılıq oldu. Burada çox detal var. Çox danışmaq istəmirəm. Onlar yalnız Avropa Liqasının finalı üçün təhlükəsizliyə təminat verirdi. İnsanlar çox şey anlamır. Futbol oynamadığım üçün təəssüfləndim. Bu barədə çox danışmayaq”.

Ötən mövsüm Avropa Liqasının finalı Bakıda keçirilib. Həlledici oyunda “Çelsi” “Arsenal”a 4:1 hesabı ilə qalib gəlib.

Digər Xəbərlər
Xəbər Lenti