II Liqada üçüncü tura start verilib.
"Şəki Siti" növbəti ev oyununda "Ağdaş"ı qəbul edib.
Yüzlərlə azarkeşi stadiona toplayan qarşılaşma maraqlı mübarizə şəraitində keçib. Hər iki tərəfin çoxsaylı səylərinə rəğmən, hesab fasilədən sonra açılıb.
Qonaqlar 54-cü dəqiqədə Olnq Xəlilovla qol pərdəsini aralayıb. Ağdaşlıların bəstəboy və kök futbolçusu cərimə zərbəsindən vurduğu gözəl qola arenaya toplaşanları şoka salıb.
Ruhdan düşməyən şəkililər 79-cu dəqiqədə Ceyhun Rəcəbli ilə status-kvonu təmin edib.
Üç dəqiqə keçməmiş Ravil Yusifli əks-hücumu qola sonuclandırıb və komandasına ardıcıl üçüncü qələbəsini qazandırıb.
SPORTİNFO.AZ
