«Zirə» Premyer Liqanın son 3 turunda məğlubiyyətlə üzləşib.
Qəsəbə təmsilçisi «Sumqayıt», «Qarabağ» və «Keşlə» ilə görüşlərdə azarkeşlərini məyus edib.
Buna baxmayaraq, klubun fəxri prezidenti Orxan Məmmədov yenə də futbolçulara öz dəstəyini nümayiş etdirib.
Sportinfo.az-ın məlumatına görə, o, gözlənilənlərin əksinə, komanda üzvlərini cəzalandırmayıb.
Əksinə, Məmmədovun göstərişi ilə «qartallar»ın 2 aylıq maaş borcu qısa fasilələrlə ödənilib. Son turlardakı məğlubiyyətlərə görə heç bir cərimə kəsilməyib.