"Qarabağ"ın Avropa Liqasının I qrupundakı rəqiblərindən "Sivasspor"da koronavirusa yoluxan futbolçuların sayı növbəti dəfə artıb.
Sportinfo.az xəbər verir ki, komandanın daha bir futbolçusunun testi müsbət nəticə verib.
Beləliklə, "Sivasspor"da koronavirus aşkarlanan oyunçuların sayı 6-a çatıb.
Bundan əlavə, klubun 1 işçisinin testi də müsbət çıxıb. İndiyədək onların heç birinin adı açıqlanmayıb.
Avropa Liqasının qrup mərhələsində IV turun "Qarabağ" - "Sivasspor" matçı noyabrın 26-da Türkiyədə baş tutacaq.
İstanbul şəhərindəki "Başakşehir Fatih Terim" stadionunda oynanılacaq qarşılaşma Bakı vaxtı ilə saat 21:55-də başlayacaq. Azərbaycan təmsilçisi ölkədəki hərbi vəziyyətlə əlaqədar ev oyunlarını neytral meydanda keçirir.