"Qarabağ"ın sabiq legioneri Pedro Enrike komandasını dəyişib.
Sportinfo.az xəbər verir ki, son 2 mövsümü "Kayserispor"da keçirmiş braziliyalı hücumameylli yarımmüdafiəçi ölkənin digər klubu "Sivasspor"a keçib.
Sivas təmsilçisinin rəsmi saytı 31 yaşlı vingerlə 3 illik müqavilə imzalandığını yazıb.
Pedro Enrike 2017/2018 mövsümündə Yunanıstan PAOK-una məxsus futbolçu kimi “Qarabağ”da icarədə olub.
O, Ağdam təmsilçisinin Bakıda İtaliya "Roma"sına 1:2 hesabı ilə uduzduğu matçda fərqlənməklə, Azərbaycan futbolu tarixində Çempionlar Liqasının qrup mərhələsində qol vuran ilk oyunçu olub.