"Fənərbaxça" yeni transferini açıqlayıb.
Sportinfo.az xəbər verir ki, İstanbul təmsilçisi "Darmşdadt"dan ayrılan Sərdar Dursunu transfer edib.
Azad agent statusu daşıyan 29 yaşlı hücumçu ilə 3+1 illik müqavilə imzalanıb.
Dursun başa çatan mövsüm Almaniyada keçirdiyi 36 oyunda 29 qol vurub, 8 məhsuldar ötürmə edib. O, II Bundesliqanın bombardiri olub.
Sərdar 2020-ci ilin iyulunda Türkiyə mətbuatına açıqlamasında Azərbaycan millisində oynamaq üçün təklif aldığını, lakin AFFA-nın dəvətini geri çevirdiyini söyləmişdi.
