Türkiyə Superliqasına vəsiqə qazanan sonuncu klub da bəlli olub.
Sportinfo.az xəbər verir ki, sonuncu vəsiqəni “Altay” təmin edib.
Sözügedən komanda pley-offun finalında “Altınordu”ya 1:0 hesabıyla qalib gəlib. Atatürk Olimpiya Stadionunda keçirilən oyunda yeganə qolu 89-cu dəqiqədə Marko Payşao vurub.
Beləliklə, "Xəzər Lənkəran"ın sabiq baş məşqçisi Mustafa Dənizlinin çalışdırdığı “Altay” 18 illik fasilədən sonra Superliqada iştirak hüququ qazanıb.
Daha öncə TFF 1-ci liqada çempion olan “Adana Dəmirspor” və ikinci pilləni tutan “Girəsunspor” elitaya vəsiqəni təmin etmişdi.
2020/21 mövsümünün yekununa əsasən, Superliqanı “Ərzurumspor”, “Ankaragücü”, “Gənclərbirliyi” və “Dənizlispor” klubları tərk edib.
