Türkiyə millisi DÇ-2022-nin seçmə mərhələsində növbəti oyuna çıxıb.
Sportinfo.az xəbər verir ki, Şenol Günəşin baş məşqçisi olduğu komanda 2-ci turda Norveçin qonağı olub.
İspaniyanın Malaqa şəhərində keçirilən görüşdə "ay-ulduzlular" 3:0 hesabı ilə qalib gəlib.
Bu qələbə ilə xalını 6-ya çatdıran Türkiyə G qrupunda 1-ci pilləyə yüksəlib. Monteneqro eyni xalla 2-ci, Niderland 3 xalla 3-cüdür.
Qardaş ölkə ilk turda Niderlanda 4:2 hesabı ilə qalib gəlmişdi.
Norveç - Türkiyə - 0:3
Qollar: Ozan Tufan, 4, 59, Çağlar Söyüncü, 28
Qırmızı vərəqə: Thorstvedt, 80 (Norveç)
