21 yaşlı futbolçular arasında Avropa çempionatı start götürüb.
Gürcüstan və Rumıniyada keçirilən yarışın açılış günündə Ukrayna və Xorvatiya milliləri üz-üzə gəlib.
İlk hissəsi oynanan görüşdə Ukrayna millisi qalib gəlib gəlir - 1:0.
Yeganə qolu hamımıza yaxşı tanış olan Aleksey Kaşuk vurub.
Başa çatan mövsümü "Sabah"da keçirən ukraynalının qolu həm də Avropa çempionatının ilk qolu kimi tarixə düşüb.
O, 19-cu dəqiqədə fərqlənib.
Müqavilə ilə ölkəsinin "Şaxtyor" (Donetsk) klubuna məxsus olan 23 yaşlı vinger ötən mövsüm "Sabah"ın heyətində 31 çempionat oyununda 16 qol və 10 asistlə yadda qalıb.
XANOĞLAN / SPORTİNFO.AZ
