“Sabah”la Türkiyənin “Beşiktaş” klubu arasında keçiriləcək xeyriyyə oyununun hakimləri müəyyənləşib.
Sportinfo.az xəbər verir ki, mayın 13-də Tofiq Bəhramov adına Respublika stadionunda baş tutacaq yoldaşlıq görüşünü Tural Qurbanov idarə edəcək.
Ona Vüsal Məmmədov və Rəhman İmami kömək edəcəklər. Dördüncü hakim funksiyasını İnqilab Məmmədov yerinə yetirəcək.
“Sabah” - “Beşiktaş” matçı saat 18:00-da başlayacaq. Qarşılaşmadan əldə olunacaq gəlir Türkiyədə zəlzələdən əziyyət çəkən insanlara göndəriləcək.
