“Bakıda olanda Azərbaycan millisinin oyunlarını izləyirdim, nəticələrlə maraqlanırdım”.
“Sabah” əslən Bosniya və Hersoqovinadan olan, lakin Serbiya vətəndaşlığını daşıyan futbolçusu Boyan Letiç yığmamızın çıxışı ilə bağlı Sportinfo.az-a açıqlama verib.
UEFA Millətlər Liqasında ilk qarşılaşmada səfərdə Qazaxıstana məğlub olan millimiz (0:2) bu gün Belarusla oynayacaq. Lakin oyun rəqib meydanında yox, Serbiyanın Novi-Sad şəhərində baş tutacaq.
Letiçin Serbiyada yaşadığını nəzərə alsaq, matçı izləmək imkanı real görünür. Lakin o, bu imkandan məhrum olub.
“Düzünü desəm, Azərbaycan millisinin Novi-Sadda oynayacağını bilmirdim. Qarşılaşma Serbiya ilə olsaydı, bundan xəbər tutardım.
İstənilən halda, stadiona gedə bilməyəcəyəm. Artıq Serbiyanı tərk etmişəm”.
Belarus – Azərbaycan görüşü bu gün Bakı vaxtı ilə saat 22:45-də başlayacaq.
HƏBİB
