“Sabah”da daha bir futbolçunun taleyinə aydınlıq gəlib.
Sportinfo.az-ın klubun rəsmi saytına istinadən məlumatına görə, Elvin Camalovla yeni müqavilə imzalanıb.
27 yaşlı yarımmüdafiəçinin gələn ilin yayına qədər olan sözləşməsi daha bir il uzadılıb. Azərbaycan millisinin üzvü artıq 2024-cü ilin yayına qədər bakılılara məxsusdur.
Elvin 2021-ci ilin iyulundan “Sabah”ın uğurları üçün çalışır. O, ötən mövsüm 29 oyunda iştirak edib.
Buna qədər Boyan Letiç və Aleksey İsayevlə də yeni müqavilə bağlayan “Sabah” “Sumqayıt”dan Tellur Mütəllimovu transfer edib.
