“Sabah” bugünlərdə Şakir Seyidovla müqavilə müddətini uzatdı.
Yeni sözləşmənin müddəti 2023-cü ilin iyun ayına kimi nəzərdə tutulub.
Seyidov 2018-ci ildən “Sabah”ın uğurları üçün çalışır. 21 yaşlı müdafiəçi komandanın heyətində ümumilikdə 31 oyun keçirib, 2 qola imza atıb (Premyer Liqada 26 oyun 2 qol, ölkə kubokunda 5 oyun).
Onun “Sabah”la əvvəlki müqaviləsi cari mövsümün sonunda başa çatırdı. Seyidovun yeni kontraktında maaş artımı nəzərdə tutulubmu?
Klubun mətbuat katibi Elnur Həmidov Sportinfo.az-a bu haqda aşağıdakıları deyib: “Şakir Seyidovla əvvəlki müqaviləmizin müddəti cari mövsümün sonunda başa çatırdı.
Yeni bağlanan müqavilənin müddəti isə 2023-cü ilin iyun ayına kimi nəzərdə tutulub. Bəli, əvvəlki anlaşma ilə müqayisədə yeni müqavilədə başqa dəyişikliklər də var. Lakin konfidensiallığın qorunması baxımından bu barədə məlumat verə bilmərəm“.
