“Sabah”ın sabiq legioneri Vitali Kvaşuk karyerasını Kiprdə davam etdirəcək.
Sportinfo.az xəbər verir ki, 27 yaşlı yarımmüdafiəçi “Aris”ə keçib.
Bu barədə Kipr klubunun mətbuat xidməti məlumat yayıb. Ukraynalı futbolçu ilə imzalanan müqavilənin detalları açıqlanmayıb.
Daha əvvəl Ukraynada “Zarya”, “Olimpik”, Belarusda “Neman”, “Qomel”, “Torpedo” kimi klublarda çıxış edən Kvaşuk, 2018-ci ilin yayından dekabrına kimi “Sabah”da forma geyinib.
Kvaşuk son olaraq Latviyanın RFS klubunda çıxış edib.
