Bilindiyi kimi, "Sabah"da daha beş futbolçu koronavirisa yoluxub.
Sportinfo.az xəbər verir ki, Masazır təmsilçisində Nikola Vuyadinoviç, Ozan Can Kökcü, Slavik Alxasov, Məhəmməd Mirzəbəyov və Kevin Kubembanın testi müsbət çıxıb.
Bundan əlavə, Coşqun Diniyev, Yevgeni Koçuk və Xulio Rodriges də aktiv xəstədir.
"Sabah" Azərbaycan Premyer Liqasının XII turunda dekabrın 5-də evdə "Neftçi" ilə qarşılaşmalı idi, lakin qarşılaşma qeyri-müəyyən müddətə təxirə salınıb.
Yaranmış vəziyyətə baxmayaraq, komanda doğma məkanda növbəti məşqə çıxıb.
