Azərbaycan Premyer Liqasında XIII tura start verilib.
Sportinfo.az xəbər verir ki, günün ilk oyununda "Səbail" lider "Qarabağ"ı qəbul edib.
"ASCO Arena"dakı qarşılaşma 1:1 hesabı ilə yekunlaşıb.
Meydan sahiblərinin heyətində Amil Yunanov 37-ci dəqiqədə penaltidən hesabı açıb. 42-ci dəqiqədə isə Uroş Matiç Ağdam təmsilçisinin bərabərlik qolunu vurub.
Xallarının sayını 47-yə çatdıran "Qarabağ" liderliyini davam etdirir. "Səbail" isə 21 xalla 6-cı sırada qərarlaşıb.
