.jpg)
19 yaşadək qızlardan ibarət milli komandamız sentyabrın 30-dan oktyabrın 8-dək Portuqaliyanın Braqa şəhərində təlim-məşq toplanışı keçəcək.
Əsas məqsəd Avropa çempionatına hazırlıqdır. Yığmamız qitə birinciliyinin ilkin seçmə mərhələsi çərçivəsində oktyabrın 2-də Portuqaliya, 3 gün sonra Almaniya, oktyabrın 8-də isə Albaniya ilə qarşılaşacaq.
Sportinfo.az saytına danışan milli komandanın baş məşqçisi Vüqar Əsgərli Pireney yarımadasına iddialı yollanmaqla yanaşı, şansları da dəyərləndirib:
"Ayın 29-u yola düşürük. Bilirik ki, çətin qrupa düşmüşük. Ancaq məqsədimiz qrupdan çıxmaqdır. Futbolçuları da elə kökləmişik, mütləq qələbə lazımdır. Komandamızın potensialı ikinci yerlə qrupdan çıxmağa imkan verir. Söhbətimiz olub, heç-heçədən qəti danışmamışıq, ancaq qalib gəlməyi tapşırmışıq. Baxmayaraq ki, Portuqaliya ilə heç-heçə də hardasa bizi qane edə bilər. Favorit Almaniyaya qarşı yaxşı mübarizə aparmalyıq. Bu ildən 3-cü yeri tutan ən yaxşı 4 komanda növbəti mərhələyə vəsiqə qazanacaq".
.jpg)
.jpg)
