AFFA-nın inzibati binasında Qadınlar Liqasında iştirak edəcək komandaların məşqçiləri ilə görüş keçirilib.
Sportinfo.az xəbər verir ki, AFFA-nın Qadın Futbolu Departamentinin rəisi Emin Cəfərov, Qadınlardan ibarət U-19 və U-17 milli komandalarının baş məşqçiləri Vüqar Əsgərli ilə Zamir Həsənovun iştirak etdiyi görüşdə 2019/2020-ci il mövsümü ilə bağlı məsələlər müzakirə olunub.
Tədbirdə iştirak edən Hakimlər Komitəsinin üzvü Elçin Məmmədov oyun qaydaları haqqında məlumat verib, yeni mövsümdə elektron protokolların tətbiqi qaydasını izah edib, məşqçilərinin suallarını cavablandırıb.