AFFA İntizam Komitəsinin son iclasında qadın komandaların mübarizə apardığı liqalarda baş verən olaylarla bağlı da qərarlar qəbul edilib.
Sportinfo.az xəbər verir ki, U-13 qızlar Liqasında “Bakinka” FK – “Təhsil” FM matçında meydan sahiblərinin heyətində yetərsay olmadığına görə, kluba 0:3 hesablı texniki məğlubiyyət verilir.
Eyni hal U-16 qızlar Liqasında “Əhmədli Yunayted” FK – “Təhsil” FM matçında da diqqət çəkib. Burada da qonaqlar oynamadan qələbə qazanıb.
Qızlar yüksək Liqasında isə fərqli olay yaşanıb. “Baku City” – “İnter” PİK matçının 27-ci dəqiqəsində qonaqlardan Roza Quliyeva hakimi təhqir etdiyinə görə qırmızı vərəqə alaraq meydandan qovulub – o, 2 2 oyunluq cəzalanıb.
Oyunun ikinci hissəsində isə “İnter” ümumiyyətlə, meydana çıxmayıb və 0:5 hesablı texniki məğlubiyyət alıb. “İnter”in baş məşqçisi Anar Vəliyevə xəbardarlıq olunub. Bu hal yenidən baş verəcəyi təqdirdə daha ağır sanksiya tətbiq olunacaq.
.jpg)
