Azərbaycan yığmasının futbolçusu Şəkər Piriyeva karyerasını İngiltərədə davam etdirə bilər.
Sportinfo.az xəbər verir ki, apasport.az-ın məlumatına görə, 17 yaşadək futbolçulardan ibarət millimizin hücumçusu “Çelsi”nin maraq dairəsinə düşüb.
London klubu 16 yaşlı istedadı heyətində görmək istəyir. Böyük britaniyalılar “Gömrükçü”nün forvardının keçidini yaxın müddətdə həll etmək niyyətindədir.
Şəkər U-17-nin heyətində son seçmə mərhələdə 2 oyunda 2 qol vurub. O, U-17-lərin ölkə çempionatında bombardirlər yarışında ön sıralarda qərarlaşıb. Şəkər komandasının 7 matç keçirdiyi yarışda 24 qola imza atıb.
