“Neftçi”də yeni təyinatın olmasından məlumatlısız.
Dünən bu haqda oxucularımıza xəbər vermişik.
Qeyd etdiyimiz kimi, klubun yeni marketinq rəhbəri türkiyəli Kaan Cem Gültəkin olacaq.
Paytaxt klubunun baş icraçı direktoru Cenk Sümer həmyerlisini yanına gətirir. Onlar vaxtilə “Beşiktaş”da da birgə çalışıb.
“Neftçi” bu təyinatı oktyabrın əvvəlində elan etməyi düşünürdü.
Gültəkin özü bu barədə paylaşım etməklə klubu qabaqlayıb. O, sosial şəbəkə hesabında təyinatıyla bağlı foto yerləşdirib.
Ona qədər bu vəzifəni Aysu İbrahimli icra edib. 2023-cü ilin yayında klubda işə başlamış bu xanım bir neçə ay öncə AFFA-ya üz tutub.
İndi də federasiyada müvafiq vəzifəni icra etməkdədir. Aprelin 2-də qurumun prezidenti seçilən Rövşən Nəcəfin ardınca AFFA-nın yolunu tutub.
Çünki onun adamıdır. Yaddan çıxarmayaq ki, İbrahimli «Neftçi»yə də elə Nəcəfin vasitəsilə gəlmişdi.
SPORTİNFO.AZ
