“Lorentsiu Regekampfı həm insan, həm də məşqçi kimi çox bəyənirəm”.
Bu sözləri Sportinfo.az-a açıqlamasında “Neftçi”nin qapıçısı Aqil Məmmədov deyib.
“Ağ-qaralar”ın lideri təxminən 4 aydır komandanın sükanı arxasında dayanan rumıniyalı baş məşqçi haqda danışıb.
Sitat: “Onun diqqətimi çəkən xüsusiyyəti futbolçulara fərq qoymamasıdır. Hamıya eyni diqqət və qayığını göstərir.
Bu, futbolda və məşqçidə olduqca vacib amildir. Məşqləri də özünəməxsusdur, kreativliyi ilə seçilir.
Çətin anlarda komandanın yanında olub toparlamağı, vəziyyətdən çıxış yollarını göstərməyi bacarır. Hər şeyin yerini bilir.
Bəzən gülüb-danışır, bəzən əsəbləşir, iradlarını çatdırır. Yeni baş məşqçimizin haqqında çox söz danışmaq olar”.
