«Neftçi» Premyer Liqanın ilk dövrəsini istədiyi kimi bitirə bilmədi.
Lorentsiu Regekamfın çalışdırdığı komanda dövrənin bağlanış turunda «Turan Tovuz»u üstələməyi bacarmadı.
Debütant ağıllı və mübariz oyunu ilə «ağ-qaralar»ı qələbədən məhrum etdi.
Təbii ki, bu, bakılı fanatlar üçün gözlənilməz oldu. Həmişə «Neftçi»ni dəstəkləyən azarkeşlər çempionluq yarışında alınan növbəti ağır zərbəni həzm eləmir. Onlar narazılığını bildirir, tənqidlərini yağdırırlar.
Klubun rəsmi «feysbuk» səhifəsindjə bununla bağlı çoxsaylı rəylərə rast gəlməkdəyik. Tərəfdarların bir çoxu Ayxan Abbasov faktoruna diqqət ayırıb.
Qeyd ediblər ki, o, vaxtilə «Zirə» və «Sumqayıt»ı çalışdırdığı dönəmlərdə də «Neftçi»ni dəfələrlə büdrədib, bir növ kabusa dönüb.
SPORTİNFO.AZ
