.jpg)
“Neftçi” yayda transfer etdiyi Yeqor Boqomolski ilə yollarını ayıra bilər.
Lorentsiu Regekampf belaruslu hücumçunun qış fasiləsində icarəyə verilməsini istəyib.
Baş məşqçinin 22 yaşlı legionerdən gözünü çəkməsinin səbəbi onun şans qazandığı oyunlarda özünü zəif tərəfdən göstərməsidir.
Belarus yığmasının forvardı meydana çıxdığı qarşılaşmalarda fərqlənmək üçün bir neçə imkan əldə etsə də, heç birini dəyərləndirə bilməyib.
Son klubu "Minsk" olan Boqomolski ötən mövsüm Belarus çempionatında keçirdiyi 15 oyunda 8 qol vurub və 2 məhsuldar ötürmə verib. Amma Azərbaycan Premyer Liqalasında hələ qol hesabını aça bilməyib.
Minsk «Dinamo»sunun yetirməsi Belarusun flaqman klubunun heyətində 7 dəfə meydan alıb. 2019-2020-ci illərdə Brest «Dinamo»sunda keçirib.
Növbəti 2 ili də «Rux»a sərf edib. 2021-ci ildə «Minsk»ə üz tutan forvard üst-üstə 43 oyuna çıxıb, 14 qol vurub.
SPORTİNFO.AZ
