.jpg)
16 yaşadək futbolçulardan ibarət Azərbaycan milli komandasının iyunun 15-dən 21-dək Bakıda təlim-məşq toplanışı olacaq.
Amma qeyd olunan yaş qrupu hazırlığa baş məşqçi Aqil Nəbiyevsiz başlayacaq.
Buna səbəb çalışdırcının hazırda Slovakiyada olmasıdır.
O, Avropa ölkəsinə AFFA-nın təşkilatçılığı ilə UEFA Pro kursunun 2-ci mərhələsində iştirak etmək üçün yollanıb.
Və qayıdış elə də erkən baş tutmayacaq.
İyunun 20-si Bakıya dönəcək Nəbiyev yalnız bundan sonra düşərgədə yer alacaq.
Bu isə o deməkdir ki, baş məşqçi yalnız ikinci sınaq matçında komandanın başında olacaq.
Ona kimi isə kollektivi onun köməkçiləri - Emin İmaməliyev və Emin Mustafayev idarə edəcək.
U-16 hazırlıq çərçivəsində iki yoxlama görüşü keçirəcək.
U-16 iyunun 19-da və 21-də Moldovanın müvafiq yaş qrupundan ibarət komandası ilə qarşılaşacaq.
Hər iki görüş Binə stadionunda təşkil olunacaq və saat 18:00-da başlanacaq.
XANOĞLAN / SPORTİNFO.AZ
.jpg)
.jpg)
.jpg)
.jpg)
.jpg)