"Burada mövsümü başa vurmaq mümkün olmayacaq”

23 Mart 20:40 İtaliya 92
"Burada mövsümü başa vurmaq mümkün olmayacaq”

“Roma”nın yarımmüdafiəçisi Xavyer Pastore koronavirus pandemiyasına görə yarıda dayandırılmış A Seriyasında cari mövsümün bərpa olunacağına şübhə ilə yanaşdığını açıqlayıb.

Sportinfo.az xəbər verir ki, argentinalı yarımmüdafiəçi “Radio Impacto”ya açıqlamasında bunları söyləyib:

“Mövsümün necə bitəcəyini birlikdə görəcəyik. Ancaq məncə, mövsümü başa vurmaq mümkün olmayacaq. Uzun müddətdi fasilə yaranıb və bu, hələ davam edəcək.

Yenidən oyunlara hazır olmağımız üçün 20-30 gün məşq etməliyik. Üstəlik, ölkə xaricinə gedən futbolçular üçün 14 günlük karantin lazımdı. Bu səbəbdən çempionatın bərpa ediləcəyinə inanmıram”.

26-cı turda dayandırılan A Seriyasında turnir cədvəlinə 63 xalla “Yuventus” başçılıq edir.

Xəbər Lenti
2 Aprel 23:30 SMS-lər pulsuz olacaq