Möhtəşəm təşkilatçılığı ilə seçilən Azərbaycan kubokunun final qarşılaşmasında alqışa layiq hallardan biri futbolçular meydana uşaqlarla çıxması idi.
Həmin uşaqlar Əmək və Əhalinin Sosisal Müdafiəsi Nazirliyinin tabeliyində Sosial Xidmətlər Agentliyinin 1 və 2 saylı 18 yaşınadək əlilliyi müəyyən edilmiş şəxslər üçün sosial xidmət müəssisələrinin balaca sakinləri idi.
Arenada Azərbaycan Dövlət Himni səsləndiriləndə əlil azyaşlılardan bir çoxu söhbətin məğzini anlamaqda çətinlik çəkirdi.
Biri futbolçunun əlini buraxıb dayənin yanına qaçdı, bir başqası tribunalardakı insanlara əl salladı, digəri yerində rəqs etməklə diqqət çəkdi.
Lakin bir uşaq var idi ki, əsl vətənpərvərlik ruhu nümayiş etdirdi. Sağ əlini ürəyinin üstünə qoyub, başını da dik tutub əvvəldən sona qədər duruşunu pozmadı.
Əlil uşağın bu cür davranışı sağlamlığını yerində olan bir çoxuna dərs olmalıdır.
HƏBİB / SPORTİNFO.AZ
VİDEONU BU LINKƏ DAXİL OLARAQ İZLƏYİN:
