“Tərlan birinci özünü peşəkarlaşdırsın, sonra kiməsə məsləhət versin”.
Bu sözləri “Xəzər Lənkəran”, “Neftçi”, “Səbail” kimi komandalarda çalışmış məşqçi Tofiq Mustafayev sosial şəbəkə platformasında yazıb.
Əhmədovun verilişlərin birində yerli futbolçuların ölkə xaricində uğurlu karyera qura bilməməsinə görə menecerləri qınamasına təcrübəli mütəxəssisin reaksiyası maraq doğurub:
“Azərbaycanlı balalarına belə ürəyi yanandırsa, nə üçün uşaq futbolunda çalışmır? Sosial şəbəkələrdə, televiziyada özünü tərifləyir elə, hamıya məsləhət verir”.
Tofiq Mustafayev vaxtilə “Xəzər Lənkəran”da Ağasəlim Mircavadovun, “Neftçi”də Vəli Qasımovun, “Səbail”də Mahmud Qurbanovun köməkçisi işləyib.
HƏBİB / SPORTİNFO.AZ
