İyunun 2-də Azərbaycan kubokunun yeni sahibinin adına aydınlıq gələcək.
“Qarabağ”la “Zirə” arasında baş tutacaq oyunda iki futbolçu meydana çıxmaqdan məhrumdur.
Ağdamlıların əsas fiquru Yassin Benzia ilə “qartallar”ın təcrübəli hücumçusu Vladislav Kulaç sarı vərəqə limitini doldurduqları üçün cəzalı duruma düşüblər.
Zirəlilərin məşqçisi Vüqar Məmmədov hələ də 2021-ci ildə aldığı 20 oyunluq cəzanın bədəlini ödəyir.
“Liv Bona Dea Arena”da baş tutacaq qarşılaşma saat 20:00-da başlayacaq.
Oyundan 1 saat əvvəl Xalq artisti Aygün Kazımovanın iştirakı ilə konsert proqramı baş tutacaq.
Qeyd edək ki, Azərbaycan Kubokunun final oyununa biletlərin qiyməti yerlərdən asılı olaraq 5, 10, 15 və 50 manatdır.
HƏBİB / SPORTİNFO.AZ
