Mayın 8-də U-16 liqası çərçivəsində keçirilən “Kəpəz” – “Qəbələ” qarşılaşmasından (2:0) sonra yaşanan insidentdən xəbərdarsız.
Oyunboyu qonaq komandanın futbolçularına təzyiq göstərən gənc azarkeşlərin söyüş söyməsi nəticəsində ciddi qarşıdurma yaşanmış, “Qəbələ”nin bir neçə futbolçusu xəsarət almışdı.
Gəncə Şəhər Baş Polis İdarəsinin əməkdaşlarının birgə axtarış tədbirləri nəticəsində üç nəfər (şəhər sakinləri B. Əhmədov, S. Qasımov və R. Əhmədov) saxlanılaraq məsuliyyətə cəlb olunmuşdu.
Məsuliyyətə cəlb olunan şəxslər cəza müddətinin sonunda - mayın 17-də sərbəst buraxılıb.
Maraq üçün bildirək ki, münaqişənin yaranmasında səbəbkar olan üç nəfərin əməlinə hüquqi qiymət olaraq 8 sutka inzibati həbs cəzası verilmişdi.
HƏBİB / SPORTİNFO.AZ
