Ukrayna Premyer Liqanda 28-ci turunun oyunları keçirilir.
Sportinfo.az xəbər verir ki, Azərbaycan millisinin yarımmüdafiəçisi Emil Mustafayevin çıxış etdiyi “Polesye”nin oyunu yarımçıq qalıb.
Səfərdə “Krivbass”la keçirilən matçın 37-ci dəqiqəsində oyun dayandırılıb. Buna səbəb Dnepropetrovsk vilayətində Rusiya qoşunlarının hava hücumu olub.
Qarşılaşmanın mayın 13-də keçiriləcəyi açıqlanıb. Oyun qaldığı yerdən davam etdiriləcək.
Emil Mustafayevin start heytdə yer aldığı görüş dayandırılarkən "Polesye" hesabda 1:0 öndə olub.
Hazırda "Polese" 43 xalla 6-cı yerdədir.
