“Xan Lənkəran”ın prezidenti növbəti dəfə Mübariz Mənsimovla görüşüb.
Türkiyədə səfərdə olan Pərviz Hüseynov “Xəzər Lənkəran”ın fəxri prezidenti ilə görüşdən çəkilən fotonu “instagram” hesabında paylaşıb.
Həmin fotonun ardınca qara fonda ağ hərflərlə yazılmış “XL” abreviaturası diqqət çəkib.
İzləyicilərin ehtimalına görə, Pərviz bəy məhz bu paylaşımla “Xəzər Lənkəran”ın ən qısa zamanda qara günlərdən ağ günlərə çıxacağına müsaj verib.
Nəzərinizə çatdıraq ki, klub rəhbərləri bu ilin əvvəlində də İstanbulda bir araya gəlmişdi.
Həmin vaxt Mübariz bəyin “Xəzər Lənkəran” adını yaşatmaq üçün “Xan Lənkəran” rəhbərliyinə həvalə etdiyi bildirilmişdi. Hətta Lənkəran şəhər stadionundan uzaqlaşan komanda həmin görüşdən sonradan “Fırtnalar meydanı”na qayıtmışdı.
Ötən mövsüm Region Liqasında çıxış edən və gümüş medallara sahib olan bölgə təmsilçisi cari mövsümün əvvəlində Birinci Diviziona buraxılmadığından, klub rəhbərliyi “Xan Lənkəran”ın fəaliyyətini qeyri-müəyyən vaxta dondurduğunu açıqlamışdı.
HƏBİB SPORTİNFO.AZ
