“Qarabağ” Bakıda "Bayer"ə qarşı keçirəcəyi Avropa Liqasının 1/8 final mərhələsinin ilk oyununun gec saatlarda başlaması ilə əlaqədar “Bakı Metropoliteni” QSC-yə metropolitenin iş rejimində dəyişiklik edilməsi barədə müraciət ünvanlayıb.
Sportinfo.az xəbər verir ki, bu barədə Azərbaycan çempionunun mətbuat xidmətindən məlumat verilib.
Metropolitenin iş rejimində müvafiq dəyişiklik edib. Bakı metropoliteni martın 8-nə keçən gecə saat 01:00-a qədər sərnişinlərin girişinə açıq olacaq.
Martın 7-də Tofiq Bəhramov adına Respublika stadionunda keçiriləcək “Qarabağ” - “Bayer 04” oyunu saat 21:45-də başlayacaq.
Komandalar arasında cavab görüşü martın 14-də Leverkuzendə təşkil ediləcək.
