Azərbaycanın daha bir yunan-Roma güləşçisi Serbiyanın paytaxtı Belqradda 23 yaşadək güləşçilərin dünya çempionatında yarımfinal görüşünü keçirib.
72 kq-da mübarizə aparan Ülvi Qənizadə finala gedən yolda rusiyalı Sergey Kutuzovla qarşılaşıb.
Rəqibinə 2:3 hesabı ilə uduzan Qənizadə bürünc medal uğrunda güləşəcək.
Həsrət Cəfərov da yarımfinal görüşünə çıxıb. 67 kq-da mübarizə aparan idmançının rəqibi türkiyəli Kadir Kamal olub.
4:1 hesablı qələbə qazanan Cəfərov adını finala yazdırıb. O, həlledici qarşılaşmada İran təmsilçisi Məhəmməd Cavad Rezayi ilə qarşılaşacaq.