Çimərlik futbolu üzrə FIFA referisi İnqilab Məmmədov Paraqvayda keçirilən dünya çempionatının final oyununu idarə edib.
Sportinfo.az xəbər verir ki, həmyerlimizin ədaləti qoruduğu matçda qapılara 10 qol vurulub. İtaliya üzərində 6:4 hesablı qələbə qazanan Portuqaliya mundialın qalibi olub.
Turnirin bürünc medalına isə Rusiya yığması sahib çıxıb. Ruslar 3-cü yer uğrunda görüşdə Yaponiyanı 5:4 hesabı ilə məğlub edib.
