Xorvatiya millisinin baş məşqçisi Zlatko Daliç dünya çempionatının yarımfinalında İngiltərəyə qalib gəldikləri oyundan danışıb.
Sportinfo.az xəbər verir ki, çalışdırıcı bu nəticədən sonra 1998-ci il mundialını da xatırlayıb:
“1998-ci il dünya çempionatının 3 oyununda azarkeş idim. Həmin vaxt yarımfinalda Fransaya uduzmuşduq.
Şukerin qolunun sevincini başa vurmamış qapımızda qol görmüşdük. 3-cü yer tutmuşduq və o tarixi anlar idi.
İndi biz tarix yazmışıq. Final çətin olacaq və ən yaxşı oyunumuzu oynamağa çalışacağıq”.
