Belçika millisinin üzvü Eden Hazard DÇ-2018-in yarımfinal mərhələsində Fransaya məğlub olduqları (0:1) oyundan sonra açıqlama verib.
Sportinfo.az xəbər verir ki, 27 yaşlı oyunçu açıqlamasında Belçikanın DÇ-2018-in ən güclü komandası olduğunu, Fransanın yaxşı futbol oynamadığını deyib:
“DÇ-2018-in ən yaxşı komandası bizik. Fransa gözəl futbol oynamır və sadəcə, müdafiə olunur. Fransa millisi mundialın qalibi olacaqmı, bilmirəm. Ancaq mən uşaq vaxtı onları dəstəkləmişəm. Fransanın yenə çempion olmasını istəyirəm”.
