Dünya çempionatında bu gün 1/4 final mərhələsinə start veriləcək.
Sportinfo.az xəbər verir ki, Belçika və Braziliya münasibətlərinə aydınlıq gətirəcək.
Braziliya 1/8 finalda Meksikanı 2:0, Belçika isə Yaponiyanı 3:2 hesabı ilə məğlub edib. Bu komandalar dünya çempionatları tarixində ikinci dəfə üz-üzə gələcək. 2002-ci il mundialının 1/8 finalında Braziliya rəqibini 2:0 hesabı ilə üstələyib.
Belçika dünya çempionatlarında Cənubi Amerika təmsilçiləri ilə 4 dəfə qarşılaşıb və bu matçların 3-də məğlub olub. Braziliya isə son üç mundialda Avropa təmsilçilərinə uduzaraq mübarizəni dayandırıb.
22:00. Braziliya - Belçika
Hakimlər: Milorad Majiç, Milovan Ristiç, Dalibor Curceviç (hamısı Serbiya), Ceyr Marrufo (ABŞ).
Kazan. “Kazan Arena"
