Rusiya millisinin yarımmüdafiəçisi Aleksandr Səmədov dünya çempionatındakı 1/4 finala yüksəlmələrindən danışıb.
Sportinfo.az xəbər verir ki, azərbaycanlı futbolçu İspaniya ilə matçda əldə olunan uğuru həyatının ən böyük qələbəsi hesab edir:
“Çox çətin oyun alındı. Amma sonluq möhtəşəm idi. Bu, həyatımızdakı ən böyük qələbədir. Qarşıdan 1/4 final oyunu gəlir. İspaniya ilə oyun üçün planımız baş tutdu. İspaniya millisi təkcə bizimlə deyil, hər bir oyunda topa daha çox nəzarət edir.
Baş məşqçimizin dediyi kimi, təzyiqə dözmək lazım idi və biz bunun öhdəsindən gəldik. Təbii ki, daha erkən qələbə qolunu vurmaq yaxşı olardı. Xoşbəxtlikdən penaltilər seriyasında qalib gəldik. Oyundan öncə penaltilər üzıərində çalışmamışdıq”.
