“Bilirdik ki, Mərakeş millisi bizimlə oyunda mübarizə aparacaq.
Rəqibimiz əla komanda idi.
Onlar 2 oyunda 0:1 hesabı ilə uduzmuşdu. Ancaq bundan artığına layiq idilər”.
Sportinfo.az xəbər verir ki, bu sözləri İspaniya millisinin baş məşqçisi Fernando Yerro DÇ-2018-in 3-cü turunda Mərakeşlə keçirilən oyundan (2:2) sonra FİFA-nın saytına deyib.
O, 1/8 finala çıxmalarına baxmayaraq, komandada problemlər olduğunu bildirib: “Qrup mərhələsi bizim üçün çətin alındı. Ancaq qrup lideri olmağı bacardıq. Öz oyunumuzu yaxşılaşdırmalıyıq. 3 oyunda 5 qol buraxmışıq.
Bu, irəli addım deyil. Bəxtimiz gətirdi ki, qrupda birinci olduq. İndi özümüzə qarşı daha tələbkar olmalıyıq. Çünki belə asanlıqla qollar buraxsaq, məqsədimizə çatmaq çətin olacaq”.
