Misir millisinin qapıçısı Essam Əl Hədari tarixi rekorda imza atıb.
Sportinfo.az xəbər verir ki, təcrübəli qapıçı buna DÇ-2018-in qrup mərhələsinin 3-cü turunda Səudiyyə Ərəbistanı ilə matçda nail olub.
Start heyətdə meydana daxil olan qolkiper dünya çempionatları tarixində oynayan ən yaşlı futbolçu olub. O, bunu 45 yaş, 162-ci günündə reallaşdırıb.
Əl Hədaridən sonra mundiallarda meydana çıxan ən yaşlı futbolçu Fərid Mondraqon idi. Kolumbiyalı qapıçı DÇ-2014-də Yaponiya ilə matçda 43 yaş, 3 günündə rekorda imza atmışdı.
